Баш санын арттырырга

Семинарда катнашучылар терлекчелектә мөһим юнәлеш саналучы терлекләрнең баш санын саклап калу һәм арттыру хакында сөйләштеләр. Бүлекчәнең терлекчелек фермаларында булып, биредә терлекләрне кышлату шартлары белән танышу исә әлеге бурычның ирешә алмаслык түгеллеген раслады. Чөнки биредә мөгезле эре терлек санын саклап кала алганнар. Бүгенге көндә биредә 1400 баш мөгезле эре терлек исәпләнә, шуларның 500е - савым сыерлар. Аларның 400е исә Урта Чаллыда күптән түгел эшли башлаган ике яңа фермада асрала. Биредәге заманча җайланмалар катнашучыларда зур кызыксыну уятты. Хуҗалыкта терлек азыгы җитәрлек күләмдә әзерләнгән, көтүне саклауга җитди игътибар бирәләр һәм алга таба да бу юнәлештә эшләрне дәвам иттерергә планлаштыралар.