Файдалы очрашу

Узган атнада Нурлат районында күчмә методик комиссия булып китте.
Өч көнлек визит барышында республика опека, попечительлек һәм уллыкка алу үзәге хезмәткәрләре район бүлегендә эшләүчеләр, шулай ук тәрбиягә бала алган яки опекун гаиләләр белән очраштылар, "түгәрәк өстәл" оештырдылар. Очрашу ике як өчен дә файдалы булды: уллыкка бала алучыларга юридик һәи психологик мәсьәләләр буенча белгечләрдән консультация алу мөмкинлеге булса, комиссия членнары райондагы эш тәҗрибәсе белән таныштылар һәм аны уңай бәяләделәр.