Лауреатлар булдылар

"Татнефть"нең "Рухият" яңарыш фонды ел саен үткәрә торган әлеге фестиваль быел Бөгелмәнең "Сосновка" сәламәтләндерү лагере базасында "Вокал. Соло" номинациясе буенча башланып китте. Анда республиканың нефть төбәге районнары һәм шәһәрләре укучылары җыелды. Нурлат сәнгать мәктәбе укучылары исә конкурста барлык дәрәҗәләрдә дә лауреатлар булдылар. 3нче сыйныф укучысы Арина Евдокимова (җитәкчесе В.Тяжова) - I дәрәҗә, 4нче сыйныфтан Лилия Вәлиуллина (укытучысы Р.Әхмәтҗанова) - II дәрәҗә, ә профиль алды сыйныфы укучысы Искәндәр Гайсин (Р. Әхмәтҗанова) III дәрәҗә лауреатлар булдылар.
Фестиваль кысаларында конкурслар дәвам итә.