Әлегә чакрым ярым

Оешма эшчеләре авылның өч урамында 1,5 чакрым арага торба салып чыктылар. Бу эшне өзлексез яңгыр явып торган катлаулы шартларда башкару белән бергә, аның әле оешманың үз әйләнеш средстволары исәбенә эшләнгәнлеген дә әйтергә кирәк. Бүген оешма эшчеләре Кизләү авылында суүткәргеч торба салу белән мәшгуль.
Шәһәрдә һәм районда суүткәреч һәм канализация челтәрләре сузу буенча төп подрядчыларның берсенә әйләнеп баручы оешманың быел башкарган эшләренең берсе генә бу. Югары Нурлат авылына су китерү кебек киң масштаблы эшне дә әлеге оешма башкарып чыкты. Шәһәрнең берничә микрорайонында, шул исәптән, яңа файдалануга бирелә торган йортларга су һәм канализация челтәрләре тарту да аларга тапшырыла.