Нурлат балаларына хәйрия концерты оештырылды

Узган атнада шәһәр Мәдәният сараенда яшь нурлатлыларга хәйрия концерты тәкъдим ителде. Бу көнне аларга "Көлгенә" ("Золушка") әкияте тәкъдим ителде. - Хәйрия программасын Яр Чаллының "Игелекле йөрәкләр берлеге" коммерцияле булмаган автоном оешмасы "Удача" туристлык фирмасы җитәкчесе Натальяна Куприна белән берлектә оештырдылар. Ә менә артистларны барып алу һәм илтеп куюны 4 бала әтисе Айрат Мөхәммәтҗанов үз җилкәсенә алды, - ди район башкарма комитетының опека һәм попечительлек бүлеге җитәкчесе Ирина Савинова. - Курчак театрына безнең опекада булган балалар гына түгел, ә мәктәп һәм мәктәпкәчә яшьтәге теләгән һәркем карый алды. Шөкер, арабызда балалар язмышына битараф булмаган шундый игелекле кешеләр бар әле, - ди җитәкче рәхмәт сүзләрен белдереп.