Реклама
ХӘБӘРЛӘР
Нурлат районында – “Психологик десант”
"Ышаныч" үзәге педагог-психологлары 9 февральдән 2 мартка кадәр район авыллары мәктәпләренә "Психологик десант" белән чыга.
Десант кысаларында белгечләр ата-аналар өчен җыелышлар үткәрәләр. Аларда ОГЭ һәм БДИга әзерлек һәм әлеге имтиханнарны тапшыру процессында балаларга психологик ярдәм күрсәтү юнәлеше буенча ата-аналарга киңәшләр бирелә, үзара бәйләнеш ысуллары күрсәтелә. Бер үк вакытта ата-аналар өчен "Социаль интеллектны үстерү аша шәхес формалаштыру" семинар-практикумнары да оештырыла. Февраль ахырында әлеге семинарлар шәһәр мәктәпләрендә дә узачак. Үзәкнең педагог-психологлары укучылар белән дә даими эшчәнлек алып бара. Әйтик, хәзерге вакытта авыл мәктәпләрендә 9-11нче сыйныф укучылары өчен һөнәри ориентлаштыру буенча диагностика үткәрелә. Системалы һөнәри ориентлашу теге яки бу һөнәр таләпләренең балаларның индивидуаль-психологик халәтләренә туры килүен ачыклауга юнәлтелгән һәм һөнәр сайлауда күрсәтелә торган чаралар системасын үз эченә ала.
Следите за самым важным и интересным в Telegram-каналеТатмедиа
Нет комментариев