Нурлат-⁠информ
  • Рус Тат
  • Нурлат спортчылары Идел буе физик культура һәм спорт академиясе абитуриентлары булды

    Казандагы Идел буе физик культура һәм спорт академиясенә укырга керергә теләчүеләр арасында Нурлат районы үсмерләре дә бар икән.

    Балалар-үсмерләр спорт мәктәбеннән әйтүләренчә, районда гына түгел, республикада да яхшы танылу алган Чулпан мәктәбе көрәшчеләре Илнур Сәетов белән Азиз Муродов һәм Елаурдан Илья Алексеев килчәк тормышларын да спорт белән бәйләмәкчеләр икән. Алар инде академиянең потенциаль абитуриентлар исемлегенә дә кертелгәннәр. Ә 28 февральдә яшь спортчылар Идел буе физик культура һәм спорт академиясе белән якыннан таныша алачаклар. Бу көнне академиядә Ачык ишекләр көне уза. Анда әлеге өч егет тә әти-әниләре белән барачак.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: