Нурлат-⁠информ
  • Рус Тат
  • Нурлат яшьләре иртәне зарядкадан башлады

    25 март иртәсе 350 Нурлат укучысы өчен гадәти булмаганча - ачык һавада зарядка белән башланып китте.

    Массакүләм спорт чарасында шәһәр мәктәпләре укучылары, "Форпост", "Яшьләр гвардиясе", "СМС-балалар" оешмалары әгъзалары һәм оештыручылар үзләре - Нурлат районының Яшьләр иҗтимагый палатасы әгъзалары Ленар Әһлиуллин белән Рөстәм Ногманов катнаштылар. Дәртле музыка астында спорт хәрәкәтләрен "Яшәләр гвардия"се активистлары күрсәтеп тордылар. 6 минутлык флешмобның никадәр уңай тәэсирләр бүләк итүен катнашучыларның йөзләреннән күрергә мөмикн булды.
    - Бүген безнең иртәбез гомумшәһәр зарядкасыннан башланды, без аннан бик күп уңай энергия алдык. Мондый чаралар яшләрне сәламәт яшәү рәвеше алып барырга чакыра һәм без мондый зарядканың ешрак үткәрелүен телибез, - дип тәэсирләре белән уртаклашты 1нче мәктәп укучысы Лилиана Гарифуллина.
    Районның Яшьләр иҗтимагый палатасы рәисе Ленар Әһлиуллин әйтүенчә, киләсе шундый зарядка майда планлаштырыла икән.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: