ХӘБӘРЛӘР
Нурлатта егетләрне армиягә тантаналы шартларда озаталар
Бүген, 25 апрельдә шәһәр Мәдәният сараенда язгы чакырылышта армия сафларына китәчәк егетләрне озату кичәсе үткәрделәр.
Язгы чакырылышта районнан 100 егет Ватан сагына китәчәк. Аларның беренче партиясен озату 12 майга планлаштырылган.
Бәйрәмгә чакырылган әниләрнең иңнәренә ак яулыклар ябылды, егетләргә район башлыгы Равил Кузюров исеменнән юл күчтәнәчләре тапшырылды. Егетләргә юл теләкләрен район башкарма комитеты җитәкчесе Әсхәт Габдуллин, хәрби комиссар Заһир Абдуллин һәм башкалар җиткерделәр.
Следите за самым важным и интересным в Telegram-каналеТатмедиа
Нет комментариев