Реклама
ХӘБӘРЛӘР
Һәр ветеран адреслы ярдәм тоярга тиеш
Бүген, 8 майда, ТР Хөкүмәте бинасында видеорежимда үткән 1941-1945 еллардагы Бөек Ватан сугышында Җиңүнең 70 еллыгына әзерлек һәм аны үткәрү буенча республика оештыру комитеты утырышында Татарстан Республикасы Президенты Рөстәм Миннеханов сугыш ветераннарына игътибарны көчәйтергә чакырды.
- Бүген безнең уртак бурычыбыз - һәр сугыш ветераннарына максимум игътибар күрсәтү. Ул очрактан очракка гына булмасын. Һәр ветеран үзе турында конкрет кайгырту тоярга, ярдәм адреслы булырга тиеш, - диде Президент. Нурлат муниципаль районы башлыгы Равил Кузюров утырыш эшендә Хокүмәт йортында катнашса, Җиңүнең 70 еллыгына әзерлек һәм аны үткәрү буенча район оештыру комитеты әгъзалары һәм җаваплы службалар аны видеорежимда урында тыңладылар.
Следите за самым важным и интересным в Telegram-каналеТатмедиа
Нет комментариев