Сыйфат теләсәгез, күмәк антенна куегыз

Без бу уңайдан Биләр РТЦсы начальнигы Анатолий Федоровка мөрәҗәгать иттек. Ул безгә түбәндәгеләрне аңлатты:
-Нурлаттагы ретранслятор аша бер елга якын DVB-Т2 цифрлы форматындагы 1нче федераль мультиплекс күрсәтелә. Күрсәтү сыйфатына зарлар кергәннән соң, без Казан белгечләренә мөрәҗәгать иттек, әмма алар сигналларның һәм сурәтләрнең яхшы сыйфатлы булуын билгеләделәр. Сәбәп - бары тик күмәк кабул итүче урам антенналары булмауда. Сигналларны сыйфатлы кабул итү өчен көчәйткечләр белән өй түбәләренә урам антенналары куярга киңәш итәбез.
Сораулар белән Биляр телецентрына мөрәҗәгать итә аласыз, телефон: 884341-40201.
Редакциядән: тик менә бүген күпкатлы йортның түбәсенә күмәк антенна кую мәшәкатенә кем алыныр икән? Без инде йорт түбәсе антенналары заманы артта калды, дип уйлаган идек...