Тормышны – экраннардан

ТВның тарихы якынча 100 ел дип исәпләнә, ә безнең "Нурлат-ТВ" үзенең 10 еллык юбилей чорын узды. 15 кешене берләштергән иҗади состав район һәм шәһәрнең мәгълүмати киңлеген оператив һәм мобиль яктырта. Алар рәсми тормышны яктырту белән бергә, талантлы шәхесләр турында да сөйләргә өлгерәләр. Шул чор эчендә социаль һәм медия конкурсларында саллы дипломнар һәм бүләкләр туплаганнар. Соңгы вакытта компания электрон тапшыруларны да колачларлык булып үсте: хәзер нурлатлылар "DFm-Нурлат" радиосы яңалыклары һәм аралашулары белән ләззәтләнә алалар. Без әлеге коллективларга яңа уңышлар һәм иҗат киңлекләре телибез.