Җирле шагыйрәбез Фәүзия Мөхәммәтова Корьән сурәләре фазыйләтләрен шигъри калыпка салу белән мәшгуль. Хажия, дин кануннарын тотып яшәүче автор шул рәвешле барлык 114 сурәнең дә асылын укучыга ачмакчы. Хәзер ул эшен тәмамлап килә инде.
-Бик саклык белән эшләргә, язганнарга кат-кат әйләнеп кайтырга туры килә,-ди Фәүзия ханым.-Башта үзең һәр сурәнең асылына төшенмичә, аны шигъри юлга салып булмый бит. Нинди зур хезмәткә алынуымны торган саен тирәнрәк аңлыйм. Әмма аны ахырына җиткереп, укучы хозурына тапшыруны үзем һичшиксез башкарырга тиешле бурыч дип билгеләдем инде.
Нет комментариев