Мәдәният сарае яңарды һәм яңаруын дәвам итә

Шул көннәрдә шәһәр Мәдәният сараенда тышкы яктан реконструкцияләү эшләре тәмамланды.

Биредә ремонт эшләре бар шартына китереп башкарыла: фасад һәм колонналар, аркалар заманча материал белән эшләнгән, мөмкинлекләре чикле булганнар өчен пандус куелган. Ремонт эшләрен "Строитель" ОООсы хезмәткәрләрләре башкарган. Шәһәр Мәдәният сарае директоры Флера Морзаханова әйтүенчә, хәзер эчке якта косметик ремонт эшләре калган. "Сәхнә ремонтланды, ишек, тәрәзә, утларны карыйсы бар. Моннан тыш, түбәдән кар төшмәсен щчен махсус бордюрлар куярга кирәк", - ди директор. Шәһәр Мәдәният сараен капиталь реконструкциядән соң рәсми рәвештә ачканга быел 10 ел булган икән. Кече юбилейга зур бүләк булган бу ремонт.