“Безнең ишегалды”: Нурлатта төзекләндерелгән территорияләрне тикшерәләр

Балалар мәйданчыклары, эскәмияләр, урналар һәм башка төзекләндерү элементлары торышына аерым игътибар бирелә.

Бүгенгә шәһәрнең 90нан артык ишегалдының 48е тикшерелгән инде. Тикшерү йомгаклары нигезендә җитешсезлекләрне бетерү өчен идарәче компанияләргә булган кисәтүләр исемлеге төзелде. Аерым алганда, аларга чисталыкны күзәтү, чүп-чарны җыю һәм чүп үләннәрен вакытында чабу йөкләнгән.

Бу чаралар уңайлы шәһәр мохитен саклауга һәм нурлатлыларның тормыш сыйфатын яхшыртуга юнәлдерелгән. Җитешсезлекләрне оператив төзәтү генә түгел, киләчәктә аларның барлыкка килүен булдырмау да мөһим.