Фронтка – туган авыл җылысы: Ерема позывнойлы сугышчы Вишневая Поляна волонтерларына ярдәм итте

Чарага сугышчы иң якын кешеләре – тормыш иптәше һәм кызы белән килгән иде. Очрашу гаҗәеп җылы һәм ышанычлы мохиттә узып, авылның берничә буын кешеләрен берләштерде.

Ереманың җирле “Солдат чәе” волонтерлар берләшмәсе эшендә катнашуы чараның истәлекле мизгеле булды. Сугышчы клуб залында волонтерлар фронтка даими җыеп җибәрә торган хуш исле витаминлы чәйләрне капларга тутырышты. Ул барлык битараф булмаган кешеләргә игелекле хезмәтләре өчен тирән рәхмәтен белдерде һәм алгы сызыктагы һәр солдат өчен мондый ярдәмнең никадәр мөһим булуын билгеләп үтте.

“Әңгәмә барышында Ерема хәрби тормышына да тукталды, иптәшләренең ныклыгы, җиңүгә йөз тотып хезмәт итүләре турында сөйләде”, – дип билгеләп үтте клуб мөдире Зоя Исаева.

Герой хөрмәтенә клубның иҗат коллективы һәм авыл мәктәбе укучылары музыкаль бүләк әзерләгән иде – алар берничә концерт номеры башкардылар. Кичә татлы ризыклар белән чәй эчү белән тәмамланды. Анда якташлары сугышчыга ныклы сәламәтлек, хезмәтендә уңышлар һәм тизрәк өенә җиңү белән әйләнеп кайтуын теләделәр.