Нурлат аграрийлары техниканың 2025 елгы уракка төшүгә әзер булуын раслады

Чара район агросәнәгать комплексының барлык төп оешмалары катнашында узды.

Составына Нурлат районы авыл хуҗалыгы һәм азык-төлек идарәсе башлыгы Ирек Шәрәфетдинов җитәкчелегендәге җирле белгечләр генә түгел, ә Татарстан Республикасы Авыл хуҗалыгы һәм азык-төлек министрлыгы вәкилләре, шулай ук Дәүләт техника күзәтчелеге инспекторлары кергән җаваплы комиссия тәкъдим ителгән техникага җентекле бәя бирде.

Комиссия техниканы җентекләп карады. Урып-җыюның барлык этапларында ашлыкны югалтуны киметү өчен бик мөһим фактор - ашлык җыю комбайннарын герметизацияләүгә аерым игътибар бирелде. Уңышны кырдан оператив ташу өчен тагылма техниканың төзеклеге һәм комплектлылыгы, шулай ук токларда һәм элеваторларда кайткан ашлыкны төгәл исәпкә алу өчен үлчәү җайланмаларының төзеклеге тикшерелде. Барлык урып-җыю техникасының беренчел янгын сүндерү чаралары (янгын сүндергечләр, комлы тартмалар) һәм комплектланган беренче ярдәм аптечкалары белән тәэмин ителешен тикшерү мәҗбүри пункт булды. Болар - эссе һәм коры урып-җыю чорында янгын куркынычы югары булган шартларда кешеләрнең һәм техниканың иминлеген тәэмин итүнең төп элементлары.

Смотр нәтиҗәләре буенча комиссия Нурлат аграрийларының әзерлегенә уңай бәя бирде.

"Урып – җыю кампаниясе - районның барлык агросәнәгать комплексы өчен имтихан тоту чоры ул. Бүген без барлык хуҗалыкларның да аңа җаваплы каравына инандык. Техниканың яхшы торышы, герметизация һәм куркынычсызлык кебек детальләргә игътибарлы булу урып-җыюның оешкан төстә, аз югалтулар белән һәм кыска вакыт эчендә узачагына ышаныч тудыра, - диде Ирек Минсалихович.