Нурлат гаиләләре шахматта көч сынашты

Нурлат шәһәре Мәдәният сараенда “Безнең шахматчылар гаиләсе” турниры үтте. Уеннар быел өченче тапкыр узды. 
Бу юлы  турнирда 12 команда катнашты. Ярышның форматы үзенчәлекле: һәр командада  бер мәктәп укучысы (1-8 сыйныфлар) һәм гаиләнең бер өлкән әгъзасы уйный.

Залда ихлас җылы мохит хөкем сөрде. Яшь гроссмейстерларга терәк булырга иң якын кешеләре килгән иде –  “икенче номерлы уенчы” сыйфатында әтиләр, әниләр, бабайлар һәм хәтта әбиләр дә катнашты. 

Җиңү өчен көрәш киеренке, ләкин гадел булды. Барлык турлар нәтиҗәләре буенча урыннар түбәндәгечә бүленде: 
1 урын – Сапаров Дима (6 сыйныф) һәм аның әнисе. Команда искиткеч тактика һәм ныклы ихтыяр көче күрсәтте.
2 урын – Мөхәммәтов Раян (2 сыйныф) һәм аның бабасы. Капитан яшь булуына карамастан, тәҗрибә һәм яшьлек берлеге бик яхшы нәтиҗә китерде.
3 урын – апалы-сеңелле Айсина Самира һәм Айсина София (икесе дә 7 сыйныф укчылары). Алар бик тату уен күрсәттеләр.

Барлык призлы урыннарны яулаучылар медальләр һәм грамоталар белән бүләкләнде. Яшь катнашучыларга татлы бүләкләр, ә өлкәннәргә истәлекле сувенирлар тапшырылды.

Уеннарның гаделлеген һәм кагыйдәләрнең саклануын хөкемдарлар коллегиясе күзәтте. 
 

“Барысы да яхшы үтте. Катнашучыларга битараф булмаганнары һәм азартлары өчен рәхмәт. Елдан-ел турнир кызыклырак уза, һәм без спортка мәхәббәт аша гаилә кыйммәтләренең тагы да ныгуын күрәбез. Без бу игелекле традицияне дәвам итәчәкбез!” — дип билгеләп үтте “Дебют” шахмат клубы җитәкчесе Галия Мөхтәсыймова.