Нурлат районы җитәкчелеге махсус хәрби операция сугышчылары белән очрашты

Ватанга тугрылыклары өчен рәхмәт белдерде. Ул районның аларга һәрьяклы ярдәм күрсәтергә әзер булуын билгеләп үтте. 

“Сез – безнең горурлыгыбыз, һәм безнең иң мөһим вазыйфа – сезгә һәм гаиләләрегезгә теләктәшлек күрсәтү. Шуны белеп торыгыз, биредә – өйдә сезне кайгырталар, кадерегезне беләләр һәм җиңү белән әйләнеп кайтуыгызны көтәләр”, – дип ассызыклады ул. 

Очрашу барышында сугышчылар хәрби көнкүрешләре һәм иптәшләре, фронттагы хәлләр турында сөйләделәр. Якташларының теләктәшлекләрен тоюларын һәм бу аларга җиңел булмаган хезмәтләрендә көч бирүен билгеләп үттеләр. 

“Якташларыбызның ярдәме безнең өчен бик мөһим, волонтерларның һәр сәфәре безгә туган йорт җылысын алып килә, безнең белән бөтен район булуына ышаныч тудыра. Битараф булмаган һәр кешегә рәхмәт”, – диде Зубр позывнойлы сугышчы. 

Мобилизациянең беренче көннәреннән үк махсус хәрби операциядә ул, аның кысаларында чакырылмаса да, Ватанны якларга үз теләге белән киткән. Аның күкрәген югары дәүләт бүләкләре, шул исәптән Жуков медале дә бизи. 

“Хәрби туганлык” вәкилләре, үз чиратларында, киләчәктә дә солдатларга актив ярдәм күрсәтергә, яшьләргә патриотик тәрбия бирергә әзер булуларын белдерделәр. 

“Кече ватаннарыннан ерак булган сугышчыларга ярдәм итә алуыбызга шатбыз. “Хәрби туганлык” – фронт линиясенә гуманитар йөк илтүче волонтерлар төркеме генә түгел, битараф булмаган кече яшьтәге балалардан алып өлкәннәргә кадәр бөтен район ул. Балалар җылы эчтәлекле хатлар язалар, өлкәннәр вакытлары белән исәпләшеп тормыйча ризык әзерлиләр, кием-салым бәйлиләр, тегәләр, маскировкалау челтәрләре үрәләр, шәмнәр ясыйлар. Нәкъ менә шулай бергәләп без җиңүне якынайтабыз”, – дип билгеләп үтте “Хәрби туганлык” җитәкчесе Зиннур Мотаһиров. 

Очрашу җылы һәм дустанә атмосферада узды. Биредә сугышчылар район башлыгына туганнары һәм якыннарының көнкүрешенә кагылышлы үз сорауларын бирделәр. 

Дамир Ишкинеев хәрбиләрнең гаиләләре турында кайгырту муниципалитетның өстенлекле бурычларыннан булуын ассызыклады, сугышчыларга көч һәм исәнлек теләде, тиздән өйләренә җиңү белән әйләнеп кайтасыларына ышанычын белдерде.