Нурлат волонтерлары чиста шәһәр яклы
3 июль көнне Нурлат муниципаль районының “Волонтер” Иреклелек үзәге волонтерлары “Без чиста шәһәр яклы!” дип аталган акция үткәрде.
Әлеге чараны үткәрү идеясе “Игелек Картасы” форумында Роман Епанешниковның “Мин – креатив идеяләр генераторы” мастер-классында барлыкка килгән. Әлеге чараның максаты шәһәрнең аеруча пычрак территорияләрен чистарту иде. Аңа шәһәр мәктәпләре укучылары жәлеп ителде. Акция барышында алар тимер юл кичүе, Карл Маркс, Спортивная, Линейная, Куйбышев урамнары буйлап йөреп 14 капчык чүп җыйдылар.
Акциянең координаторы Алия Миннебаева һәм волонтерлар чарада катнашкан һәркемгә рәхмәт белдерделәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев