Нурлатның медицина хезмәткәрләре еллык эшкә йомгак ясадылар

Районның сәламәтлек саклау системасы хезмәткәрләре 2025 елга йомгак ясадылар. Шул ук вакытта агымдагы чорга өстенлекле бурычлар да билгеләнде.

Быел медицина хезмәткәрләренең йомгаклау киңәшмәсендә Татарстан Сәламәтлек саклау министрлыгыннан министр урынбасары Гүзәлия Зәкәриева катнашты. Ул Нурлат районы үзәк хастаханәсенең эшенә уңай бәя бирде. Чара ахырында министр урынбасары һәм район башлыгы Дамир Ишкинеев тармакның иң яхшы хезмәткәрләрен бүләкләделәр.