Нурлатта язгы өмәләр 1 апрельдән башланып китәчәк

2026 елның 1 апреленнән 31 маена кадәр районда торак пунктлар территорияләрен тәртипкә салу буенча санитар-экологик икеайлык үткәреләчәк.

Район башкарма комитеты җитәкчесенең беренче урынбасары күрсәтмәсе буенча бу чорда предприятиеләр, оешмалар һәм авыл җирлекләренә үзләренә беркетелгән урамнар һәм территорияләрдә даими рәвештә санитар-чистарту эшләре үткәрергә тәкъдим ителә. Икеайлык барышында калдыкларны рөхсәтсез саклау урыннарын юк итү мәсьәләләренә аеруча зур игътибар биреләчәк.