Сөт саву арткан

Безнең районда сөтчелек белән 7 хуҗалык шөгыльләнә.
- Бу өлкәдә иң зур күрсәткечләргә ирешүчеләр -"Нурлат сөте", "АгроРазвитие" ОООлары, "Сөләйманов ис." хуҗалык, аларның барысында да күрсәткечләр 100%тан югарырак, - ди авыл хуҗалыгы идарәсенең җитештерү-маркетинг бүлеге начальнигы Илгизәр Әбдрәхимов.
Ел дәвамында бер сыерга иң күп сөт исә "ИРС" хуҗалыгында савылган - уртача 7333 кг. "Ахунов ис." КФХда ул - 6682, "Нурлат сөте"ндә - 6235 кг. булган.
Ә 2012 елда сөт саву күләмен арттырырга планлаштыралар, монда Америкадан кайтартылган нәселле сыерларга зур өмет баглана.