Татарстанда мошенниклар кармагына кемнәрнең күбрәк эләгүе ачыкланды

Прокуратураның эчке эшләр органнары тикшерүенә күзәтчелек итү бүлеге хезмәткәре Марат Галлямов Татарстанда мошенникларның типик корбанының социаль портретын тәкъдим итте. Җинаятьчеләр республикада яшәүче эшкә яраклы кешеләрне ешрак сайлый (очракларның 29%ы). Икенче урында – пенсионерлар (23%). Эшсез гражданнар (15%) һәм балигъ булмаганнар (4% тан азрак) мошенниклар кармагына сирәгрәк каба икән. Зыян күрүчеләрнең 58%ын хатын-кызлар тәшкил итә. Мошенниклар тәэсиренә иң еш эләгүче яшь төркемнәре – 30дан 49 яшькә кадәргеләр (җинаять корбаннарының 36%ы) һәм 18дән 29 яшькә кадәргеләр (27%).

Спикер билгеләп үткәнчә, мондый җинаятьләрнең максаты – акча урлау гына түгел, ә дәүләт органнарына ышанычны какшату да. Аның сүзләренчә, еш кына корбаннар үзләре дә җинаятьчеләр тарафыннан җәлеп ителеп, башкаручы буларак җинаять эшчәнлегендә катнаша, шул рәвешле, хәлләрен тагын да начарайта.

Чыганак: www.kazan.kp.ru