Болгарда тарих белән очраштык

Урта гасыр киемнәре киеп, коляскага балаларын утыртып,иңнәренә фотоаппарат аскан парларны күзәтүне могҗиза дими ни дисең?

Рәсәйнең төрле почмакларыннан җыелган командаларны ТР Президенты киңәшчесе М.Ш.Шәймиев котлады. Спасс районы һәм Татарстанның туризм буенча дәүләт комитеты җитәкчеләре шулай ук изге теләкләрен ирештерде.

Аннан командалар көч сынашты. Урта гасырларда мондый батырлар алышыннан соң ни калгандыр, ә фестивальдә дуслык җиңде. Үз чиратыбызда без, Нурлат делегациясе вәкилләре исә, Болгардагы тарихи һәйкәлләр белән танышуны дәвам иттек. Дөньядагы иң зур Коръәнне карадык, гади балчыктан чүлмәк ясаганны күзәттек, ипи музеенда виртуаль кыстыбый, пәрәмәч, өчпочмак белән "сыйландык". Ак мәчетнең гүзәллегенә сокландык.