Ерепкинолылар авылның – 220 һәм мәктәпнең 100 еллыгын билгеләп үттеләр

Ерепкино да кергән Әхмәт авыл җирлеге башлыгы Әнәс Рәхмәтуллин үз чыгышында авыл халкы өчен сөенечле хәбәр дә җиткерде - Ерепкино "Чиста су" программасына кертелгән икән, һәм киләсе елга биредә суүткәргеч салыначак, шулай ук яңа мәктәп төзү дә каралган, аның клуб белән бергә булуы да ихтимал. Бу көнне котлау-бүләкләр дә мулдан булды. Активистларга, ветеран укытучыларга, хезмәтчәннәргә, игенчеләргә, өлкән кешеләргә һәм башка лаеклыларга район башлыгы Наил Шарапов исеменнән дә мактау грамоталары тапшырылды.