Нурлат-⁠информ
  • Рус Тат
  • Нурлатның Биккол авылы Яңа елны “бизәнеп” каршылый

    Биккол авыл җирлеге башкарма комитеты Яңа ел бәйрәмнәре алдыннан игълан иткән шәхси йортларны бизәү конкурсына авыл халкы быел да бик теләп кушылган.

    Бүгенге көндә авылның дистәләгән йорты Яңа елны кардан ясалган фигуралар, төсле утлар белән каршы ала. Бәйрәм кәефе әле авылга керү юлындагы беренче урамда ук сизелә - олы юл буенда Сәфәргалиевлар, Таһировлар, Гайфуллиннарның өйләре төсле утларга күмелеп утыра, шунда ук Кыш Бабай, Кар кызы сыннары авылга килүчеләрне сәламли. Янәшәдәге урамда Әсхать һәм Рәмзия Галимовларның өйләре чын әкият йортын хәтерләтә, ә авыл үзәгендә Фәнис һәм Гөлназ Гәрәевлар йорты янәшәсендә төсле утлардан чыршы балкый. Гомумән, конкурска әзерлек барышында һәркем үзенең иҗади фантазиясен эшкә җиккән, чөнки Яңа ел кәефе әнә шундый күңелле мизгелләрдән җыела бит. Авыл конкурсында җиңүчеләрне һәм барлык катнашучыларны да бүген авыл клубында үтәчәк Яңа ел бәйрәмендә котларга ниятлиләр.

    Иң мөһим һәм кызыклы язмаларны Татмедиа Telegram-каналында укыгыз


    Теги: Нурлат
    Нравится
    Поделиться:
    Реклама
    Комментарии (0)
    Осталось символов: