Яхшы эшләүчеләргә - Грант

- Татарстанда терлекчелектә сөт җитештерү күләмен арттыру максатыннан күптән түгел зоотехникларга, ветеринария табибларына һәм ферма мөдирләренә айлык Грантлар бирә башладылар, - ди районның авыл хуҗалыгы һәм азык-төлек идарәсенең кадрлар һәм социаль мәсьәләләр буенча консультанты Минсалих Шаһидуллин. - Сентябрь аенда бездә өч авыл хуҗалыгы предприятиесендә нәтиҗәләр уңай булды. "ИРС" хуҗалыгыннан Андрей Яллин, "Сөләйманов Ә.И" дән Илшат Шаһавәлиев, Рәмис Нуретдинов, Миннегомәр Вәлиуллин, "Южная"дан Илнур Кәлимуллин, Александр Катков, Александр Короткин премияләргә лаек булды.
Идарә белгечләре шул көннәрдә октябрь ае нәтиҗәләре буенча документларны ТР Авыл хуҗалыгы һәм азык-төлек министрлыгына илтеп кайттылар. Алар буенча янә 8 кеше Грантка ия булырга мөмкин.