Нурлат-⁠информ
  • Рус Тат
  • Амброзиягә каршы бүгеннән көрәшергә кирәк

    Алда - язгы кыр эшләре, бакча мәшәкатьләре. Бу көннәрдә авыл хуҗалыгы предприятиеләре, шәхси бакча тотучылар орлык әзерләү белән мәшгуль. Әмма орлыклар белән бергә районга зарарлы карантинлы объектлар үтеп керү куркынычы да бар.

    - Моны булдырмас өчен кайтару белән орлыкларны Россельхознадзор идарәсенең Нурлат бүлекчәсенә алып килергә кирәк, ул Сәлимҗанов урамы, 16 адресы буенча урнашкан, - ди Россельхознадзор идарәсе дәүләт инспекторы Николай Ларионов. - Бу шулай ук орлыклар, дару үләннәре, җиләк-җимеш, яшелчә һәм ярган материаллар кайтару һәм сату белән шөгыльләнүче барлык оешмаларга, шәхси затларга, эшмәкәрләргә дә кагыла.
    Николай Ларионов әйтүенчә, яз җитү белән карантинлы чүп үләне - амброзия проблемасы да баш калкыта. Нурлат районында амброзия буенча фитосанитар зона игълан ителгән. Анда 17 авыл җирлеге (нигездә Сөлчә, Чирмешән һәм Кондырча елгалары тирәсендәге торак пунктлар), 4 эре авыл хуҗалыгы предприятиесе керә. Шәһәрдә дә амброзияне кайбер мәктәп, балалар бакчалары территорияләрендә, Телестудия урамы, тимер юлчылар поселогында һәм башка урыннарда очратырга була. Ә бит амброзия нигездә балалар һәм өлкәннәргә куркыныч тудыра. Шуңа да дәүләт инспекторы инде бүгеннән әлеге карантинлы үләнне бетерү һәм таралуына юл куймас өчен чаралар планын эшләргә киңәш итә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: