Нурлат-⁠информ
  • Рус Тат
  • Бакча нигъмәтләре: Сырлы помидор, “куян”-бәрәңге

    Нурлатлы Александр һәм Вера Красновлар әлеге гаҗәеп яшелчәләрне Каравыл Тавы авылындагы 10 сутый участокларында үстергәннәр. Дәлия чәчәгенә охшаган помидорның орлыгын алар Украинадан кайтарткан булганнар икән.

    - Помидорның әлеге сортын Урта Камышлы авылында яшәүче танышларыбызда татып караган идек, - ди Вера Романовна. - Үзе тәмле, үзе эре һәм сырлы бизәкле помидор. Ә менә бәрәңгенең төрле сортларын чәчәбез. 40, 60 көнлек, сары, зәңгәр төсле "Цыганка" һәм башка сортларын утыртабыз. Әмма мондый җәнлеккә - "куянга" охшаганын беренче генә күрүебез әле. Шуңа да бу могҗиза-яшелчәләрне өстәл бизәге итеп сакларга һәм газета укучылар белән уртаклашырга булдым.
    Вера Романовнаның хоббилары шактый: бакчачылык белән шөгыльләнүдән тыш, "Родник" чуваш ансамблендә дә чыгыш ясый, кул эшләре белән дә мавыга ул.

    Иң мөһим һәм кызыклы язмаларны Татмедиа Telegram-каналында укыгыз


    Теги: Нурлат
    Нравится
    Поделиться:
    Реклама
    Комментарии (0)
    Осталось символов: