Бәраәт кичәсен мөселманнар догада үткәрәчәк

Мөселман ел хисабы белән әлеге айның 14еннән 15нче төненә Бәраәт кичәсе туры килә. Бу кичә гөнаһлардан котылу, бәхет һәм иминлек, уңышлар һәм изгелекләр иңә торган кичә дип санала. Шуңа күрә бу төнне мөселманнар Аллаһы Тәгаләдән үзләренең һәм мәрхүмнәрнең гөнаһларын ярлыкавын, Раббыбыз рәхмәтенә ирешүне сорап дога, гыйбадәт кылалар. Бәраәт сүзе гарәпчәдән “берәр авырлыктан котылу” дип тәрҗемә ителә. Һәм, чыннан да, мөселманнар ышануынча, бу төнне Аллаһы Тәгалә кешеләрнең еллык язмышын, бәхет-сәгадәтләрен билгели.