Реклама
ХӘБӘРЛӘР
Каз өмәсе үтте
Сишәмбе көнне Кәкре Атау авылында яшәүче Рәшит һәм Фәүзия Кәлимуллиннар өендә каз өмәсе үтте.
Хуҗалар ел саен кош-кортны күп итеп асрыйлар. Быел да 60ар баз каз һәм үрдәк үстергәннәр. Каз өмәсенә исә бөтен туганнары җыелды. Мисал өчен, казларны суеп тору Фәүзия Кәлимуллинаның бертуган абыйсы Әсхәт абыйга йөкләнде.
Ә каз өмәсенә хуҗалар чуваш милләтеннән булган дусларын да чакырган. Хатын-кызлар татар, рус, чуваш телләрендә җырлар белән каз йолкыдылар, шунда ук хуҗабикә каз каурыеннан бәлеш, коймак майлау өчен май канаты ясау буенча мастер-класс та күрсәтте. Ә эшләрне тәмамлагач, өмәгә җыелучылар каз эч-башыннан пешерелгән бәлеш белән сыйланды.
Следите за самым важным и интересным в Telegram-каналеТатмедиа
Нет комментариев