ХӘБӘРЛӘР
Казанда төзелүче яңа стадион исемен уйлап табуга конкурс игълан ителде
Казанда 2013 елгы Универсиаданы рәсми ачу тантанасы һәм футбол буенча 2018 елгы дөнья чемпионатын уздыру билгеләнгән 45 мең урынлык стадионга исем уйлап табу конкурсы игълан ителде.
Конкурс ике этапта узачак:
- беренче этап - 2013 елның 18 гыйнвареннан 24 гыйнварена кадәр, аның кысаларында теләге булган һәркем стадион исеме буенча үз вариантын электрон почта буенча pr@tatar-inform.ru адресына "конкурска" тамгачы белән җибәрә ала.
- Икенче этап 2013 елның 25 гыйнвареннан 31 гыйнварена кадәр уздырыла һәм анда беренче тур нәтиҗәләре буенча "Татар-информ" МА сайтында ачык тавыш бирү каралган, монда һтркем тәкъдим ителгән вариантларның берсе өчен тавыш бирә алачак.
Конкурс нәтиҗәләре конкурс бетүгә үк матбугат һәм массакүләм коммуникцияләр буенча Республика агентлыгы һәм "Татар-информ" МА сайтларында биреләчәк, җиңүчегә кыйммәтле бүләк тапшырылачак.
Конкурсны матбугат һәм массакүләм коммуникцияләр буенча "Татмедиа" республика агентлыгы һәм "Татар-информ" МА үткәрә.
Следите за самым важным и интересным в Telegram-каналеТатмедиа
Нет комментариев