Халык шагыйре Роберт Миңнуллин вафат. Бу хакта шагыйрьнең бертуганы Ким Миңнуллинга сылтама белән "Татар-информ" хәбәр итә.

«Бүген төнлә абыебыз китеп барды», — дигән ул агентлыкка.

 Роберт Миңнуллин 72 нче яше белән бара иде. Каты авыру белән көрәште.

Роберт Мөгаллим улы Миңнуллин 1948 елның 1 августында Башкортстанның Илеш районында туган. Озак еллар «Яшь ленинчы» («Сабантуй») газетасын җитәкләде. 1988-1994 елларда — Татарстан Балалар фонды рәисе. 1995-2014 еллларда — Татарстан Республикасы Дәүләт Советы депутаты иде. 

https://tatar-inform.tatar/news/culture/27-03-2020/robert-mi-nullin-vafat-5731961