Колбай Мораса авылында Балалар көне узды

Шул көннәрдә Колбай Мораса авылында Балалар көне үткәрелгән. Ул мәдәният йорты директоры Алия Садыйкова инициативасы белән Габдулла Кариев музее һәм авыл китапханәсе хезмәткәрләре тарафыннан оештырылган.

– Чарада укытучылары Гөлфинур Борһанова җитәкчелендә Колбай Мораса мәктәбе яны лагерена йөрүче 15 укучы, җәйге каникулларга әбиләренә чит шәһәрләрдән кайткан балалар катнашты, – дип сөйләде Алия Садыйкова. – Бәйрәм кечкенә Сабантуй булып үтте, төрле бәйгеләр, уеннар, викторина оештырдык. Бүләкләр дә әзерләгән идек. Балалар рәхәтләнеп күңел ачты, барлык конкурсларда актив катнаштылар. Музей һәм китапханә хезмәткәрләре кызыклы күргәзмәләр дә әзерләгән иделәр.