Комиссариатларда туган көн

8 апрель Россиядә хәрби комиссариатларның туган көне булып санала. Һөнәри бәйрәмнең башы 1918 елга барып тоташа. Ә 1993 елдан алып хәрби комиссариат хезмәткәрләренең эшчәнлек даирәсе тагын да киңәйтелде. Хәзер хәрби комиссариатлар җирле үзидарә органнары белән бик тыгыз бәйләнештә эшли. ТР хәрби комиссариатының бүлеге итеп үзгәртелгәннән соң личный составта килеп туган кыскартулар да алга куелган бурычларны үзвакытында һәм тиешле итеп башкаруга комачауламый. 11 кешедән торган Нурлат бүлеге коллективы чакырылыш кампанияләрен оештыру, призывниклар, рядовойлар һәм запастагы офицерларны, хәрби техниканы исәпкә кую белән беррәттән, шактый гына социаль пландагы бурычларны уңышлы гына башкарып килә.