Нурлат-⁠информ
  • Рус Тат
  • Конкурска: Ишегалдында – “корольләр каретасы”

    Фома авылыннан гаилә фермасы башлыгы Минтаһир Шаһиәхмәтов агач эшенә дә оста, тимер-томырның да серләрен белә, кыскасы, кулына ни тотса, шуңа җан өрә алырлык кеше.

    Ишегалларына эскәмия ясаганда исә иҗади фантазиясенең дә кирәге чыккан - ат арбасының тәгәрмәчләре тимердән бизәкләп эшләнгән утыргычка ничек килешеп тора әнә! Шуңа да Шаһиәхмәтовларның өйләре каршыннан узганда үзеннән-үзе оригиналь эскәмиягә утырып, ял итеп аласы килеп тора, диләр авылдашлары да. Ә балалар бөтенләй "королевская карета" дип атаганнар, шунда утырып фоторәсемгә төшәргә яраталар икән. Фермерның йорт-җире дә авылда иң төзекләрдән санала, коймаларын да үз куллары белән бизәкләп эшләгән, тәрәзә йөзлекләре дә зәвыклы итеп агачтан челтәрләп ясалган, бөтен урамга ямь биреп тора. Быел республика программасы буенча фермер хуҗалыгына кадәр асфальт юл да түшәлде әле, аңа исә үзе генә түгел, тирә-күршеләре дә сөенде.

    Иң мөһим һәм кызыклы язмаларны Татмедиа Telegram-каналында укыгыз


    Теги: Нурлта
    Нравится
    Поделиться:
    Реклама
    Комментарии (0)
    Осталось символов: