Нурлат-⁠информ

Нурлат районы

Рус Тат
ХӘБӘРЛӘР

Марат Бариев: Конституциягә кертелгән төзәтмәләр ярдәмендә беренче тапкыр яшьләр искә алына

​​​​​​​Төзәтмә Төп законның Россия Федерациясе һәм аның субъектларының уртак карамагындагы мәсьәләләр турындагы 72нче маддәсенә кагылачак.

​​​​​​​(Нурлат, 18 март, «Нурлат-информ»). РФ Дәүләт Думасының Татарстаннан сайланган депутаты Марат Бариевның яшьләр сәясәте турындагы төзәтмәсе Конституциягә төзәтмәләрнең ахыргы вариантында узды. Ул Татарстан депутатлары тарафыннан кертелгән бердәнбер кабул ителгән төзәтмә булды.

«Бу яшьләр мәнфәгатьләрен яклау һәм аңа ярдәм итү өлкәсендә законнарны эшләү һәм кабул итү өчен нигез бирә. Иң мөһиме — бу Конституциягә таянып, яшьләр сәясәте турында әлегә кадәр булмаган Федераль законны кабул итәргә мөмкинлек бирәчәк», — дип белдерде Бариев.

Аның сүзләренчә, элек Конституциядә яшьләр дә, яшьләр сәясәте төшенчәләре дә юк иде. Яшьләр сәясәте турындагы Законны кабул итеп булмады, чөнки аның каршылыклары күп иде. Төзәтүләр нәтиҗәсендә күп кенә киртәләр җиңеләчәк.

Кертелгән төзәтмә Конституциянең Россия Федерациясенең һәм аның субъектларының уртак карамагына кагыла торган 72нче маддәсенә кагыла. Үзгәрешләр нигезендә, мәгариф, мәдәният, сәламәтлек саклау һәм тәрбия белән беррәттән, анда яшьләр сәясәте дә искә алыначак, дип өстәде парламентарий.

https://tatar-inform.tatar/news/politics/18-03-2020/bariev-konstitutsiyag-kertelg-n-t-z-tm-l-r-yard-mend-berenche-tapkyr-yashl-r-isk-alyna-5729865

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев