Нурлат балалар сәнгать мәктәбе укучылары хисап тота

Кичә, 14 апрель көнне, мәктәпнең халык уен кораллары бүлеге укучылары сәхнәгә менде. Төрле сыйныфларда укучы балалар ел дәвамында өйрәнгән музыкаль әсәрләрен башкардылар, аерым башкаручылар белән бергә бүлекнең домрачылар ансамбле, оркестр чыгышы да тәкъдим ителде. Мәктәпнең халык уен кораллары бүлеге укучылары ел дәвамында төрле төбәк һәм республика күләмендәге бәйгеләрдә уңышларга ирешүләре белән дә теләп уртаклаштылар. Сәнгать мәктәбенең гомуми хисап концерты исә 28 апрель көнне Мәдәният сараенда узачак.