Нурлат музеенда тыл батырлары исемнәре барлана

Нурлат районыннан әлеге китапка 13 меңләп кеше турында мәгълүматны 1 сентябрьгә кадәр биреп бетерергә кирәк. Бу уңайдан музей авыл җирлекләре җитәкчелеге ярдәменә нык өмет тота. Әмма музей директоры Флюра Морзаханова әйтүенчә, бүгенге көнгә Биляр Озеро, Колбай Мораса, Фома, Зирекле авылларыннан гына материаллар килгән әле, алар да тулы түгел. Китапта Нурлат районының тыл батырлары исемнәре лаеклы урын алырга тиеш-бу район җитәкчелегенең катгый таләбе. Шуңа авыл җирлекләре җитәкчелеге дә, тыл батырларының якыннары, туганнары да, районның ветераннар советы әгъзалары да бу игелекле эшкә үз өлешләрен кертми калмаслар, шәт.