Нурлат-⁠информ
  • Рус Тат
  • Нурлат пенсионерлары 1 апрельдән уртача 10157 сум ала башлыйлар

    РФ Пенсия фондының Нурлат районы идарәсеннән хәбәр итүләренчә, 1 апрельдән хезмәт пенсияләре 1,7; социаль пенсияләр 17,1 процентка арткан. Айлык акчалата түләүләр 5 процентка индексацияләнгән.

    Индексацияләүнәтиҗәсендә картлык буенча хезмәт пенсиясенең уртача күләме 10157 сум тирәләре тәшкил итә. Социаль пенсияләрне индексацияләгәндә, шулай ук дәүләт пенсия тәэмин итүе, өстәмә айлык матди тәэмин итү һәм суммалары социаль пенсиянең тиешле күләменнән чыгып билгеләнүче башка социаль түләүләр күләме дә артты. Әлеге арттырулардан соң, социаль пенсиянең уртача күләме 7 мең сумнар тирәсе тәшкил итте.
    Моннан тыш, гражданнарның пенсия тәэмин ителешенең минималь дәрәҗәсе ел дәвамында пенсионерның үзе яшәгән төбәктәге яшәү минимумыннан түбән булмаячак. Татарстанда 2014 елда пенсионерның яшәү минимумы 5912 сум дип билгеләнгән. Әгәр дә пенсия күләме, эшләмәүче пенсионерга тиеш булган башка түләүләрне кушкач та, яшәү минимумыннан түбән чыга икән, аның пенсиясенә социаль өстәмә түләү билгеләнәчәк.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: