Нурлат районы мөхтәсибәте мохтаҗларга ярдәм акцияләрен дәвам итә

Диния Нәзарәте карамагындагы “Зәкят” фондыннан районга азык-төлек җыелмалары кайтарылган. Алар шәһәр һәм авыллардагы мәчетләр аша ялгыз яшәүче өлкәннәргә һәм инвалидларга таратыла.

Бер үк вакытта мөхтәсибәт “Игелек кыл” акциясе кысаларында 4 яшькә кадәрге балалары булган һәм мохтаҗлык кичерүче гаиләләргә кием-салым белән дә ярдәм итә. Таҗикстаннан Мамыкка күченеп килгән Раджабовлар шул көннәрдә, мөхтәсибәтнең социаль челтәрдәге аккаунтында урнаштырылган игъланны күреп, мөрәҗәгать иткән.

Нәтиҗәдә, гаиләдә тәрбияләнүче ике бала яңа, сыйфатлы киемнәргә ия булган.