Нурлат районы Владимир Петрович СИБУЛАТОВ белән хушлашты

Аның бөтен гомере безнең районга бәйләнгән иде. Чуваш Мәнҗесендә туа ул, Казанда белем алгач, Владимир Петрович язмышын туган төбәге белән бәйли. Ул Нурлат район почта элемтәсе узелы эшенең уңышына саллы өлеш кертте, өч дистә елдан артык шунда хезмәт куйды. Әлеге һөнәр юлында Владимир Петрович бик күп көчен түкте, белемен, сәләтен һәм энергиясекн эшкә сарыф итте. Ул РУПСның үсеш перспективаларына аерата игътибарлы булды һәм берничә буын чын һөнәрмәннәр тәрбияли алды.

Владимир Сибулатов төюәгебездә почта эше үсешенә нигез салды, һөнәрмәнлек планкасын югары күтәрде. Мондый искиткеч һөнәрмән һәм хөрмәтле кешенең арабыздан китүе - зур югалту.

Нурлат шәһәре һәм Нурлат районы җитәкчелеге, район һәм шәһәре Советлары һәм шәхсән үз исемемнән Владимир Петрович гаиләсенең тирән хәсрәтен уртаклашам. Без аның туганнары һәм якыннары, дуслары һәм коллегалары, аны белгән һәркем белән бергә кайгы кичерәбез.