Нурлат шикәре белән Себердә чәй эчәчәкләр

Бүгенге көнгә биредә 33655 тоннадан артыграк чөгендер эшкәртергә, 3626 тоннадан артыграк шикәр комы җитештерергә өлгергәннәр инде. Әлегә завод тәүлегенә 2300 тонналап шикәр чөгендере эшкәртә, алга таба тәүлеклек җитештерүне 2500-2700 тоннага кадәр җиткереп, сезонны гыйнвар аена кадәр төгәлләргә исәплиләр. Җитештерелгән продукциягә дә ихтыяҗ зур - Нурлат шикәрен республика буенча гына түгел, Новосибирск, Омск, Томск, Красноярск кебек ерак шәһәрләргә дә җибәрергә ниятлиләр.