Нурлат сәнгать мәктәбенең 1нче сыйныф укучысы “Играй, мой баян” Бөтенроссия конкурсында катнашты

Семенның мондый дәрәҗәдәге конкурсларда беренче генә катнашуы булса да, аңа Россиянең төрле төбәкләреннән килгән 40лап укучы арасында үзен күрсәтергә мөмкинлек биргән. "Семен безнең мәктәпкә Түбән Чаллы авылыннан йөреп укый. Авылдан Нурлатка 20 чакрымлап ара булса да, дәресләрне калдырмый, бабасы Борис Терентьевич мәктәпкә атнасына берничә тапкыр үз машинасында китереп йөртә аны. Семен - бик сәләтле укучыбыз, аңа зур өметләр баглыйбыз. Казанда консерваториясе каршында баян буенча махсус мәктәп ачылса, аны анда укырга җибәрү ниятебез дә бар. Ә бу беренче уңышы аңа алга таба да яңа җиңүләргә зур стимул булсын иде, - ди Семенның укытучысы, сәнгать мәктәбе директоры Тәлгать Бадыйгин.