ХӘБӘРЛӘР
Нурлат укучылары район экологының яшелләндерү проектында катнаша
Узган атнада табигатьне саклау инженеры Рөстәм Ногманов үсентеләр үрчетү буенча шәхси проектын гамәлгә ашырды. 2нче һәм 3нче мәктәпләрнең VII-VIII сыйныф укучыларын ул үсентеләр әзерләүгә җәлеп итте.
- Пирмидасыман тупыл һәм тал ботакларын кисеп, аларны суга утырттык, - дип сөйли Рөстәм Ногманов. - Алар тамыр җибәрәчәк, апрель-майда, язгы агач утыртулар башлангач, укучылар әлеге үсентәләрне шәһәр урамнарына, мәктәп яны территорияләренә утыртачак.
Районның баш экологы әйтүенчә, бу проект укучыларны шәһәрне яшелләндерү мәсьәләсен хәл кылуга җәлем итүгә юнәлтелгән. Шул рәвешле, укучылар 400ләп үсенте булдырырга ниятли.
Следите за самым важным и интересным в Telegram-каналеТатмедиа
Нет комментариев