Нурлат урманчылыгы хезмәткәрләре урман утырту эше белән шөгыльләнүләрен дәвам итәләр.
Шул чор эчендә Чулпан, Мамык һәм Вишневая Поляна участок урманчылыкларында 30 гектар яңа участокларга нигез салдылар. Бер үк вакытта Алабугадагы агач эшкәртү заводына да түбән сортлы агач әзерләү эше бара. Алдан ук көтелгәнчә, аны 30 куб агач сыйдырырга сәләтле махсус техника ташый. Нурлат урманчылыгы лесничие-җитәкчесе Искәндәр Усманов әйтүенчә, бер вакытта 4-5әр машина килә ала икән.
- Запасны алдан ук әзерләп торабыз. Әмма әлегә юллар белән проблема. Җир туңдыргач, түбән сортлы агач ташу эше дәвам итәчәк, - диде ул.
