Нурлатлылар республика семинарында катнаша

Олы сөйләшү республикадагы аграр комплексның беренче яртыеллык эшчәнлеге нәтиҗәләренә һәм урып җыю чорын уңышлы үткәрү бурычларына багышлана. Республика җитәкчесе Рөстәм Миннеханов катнашында уза торган киңәшмәдә кунакларга авыл хуҗалыгы күргәзмәләрен, уҗым, сабан бодаен чәчү, авыл хуҗалыгы культураларын заманча эшкәртү техникалары һәм башкалар белән таныштыру каралган. Моннан тыш, семинар эшендә катнашучылар печәнчеләр бәйрәмен дә караячак. Иртәгә узачак республика семинар-киңәшмәсе эшендә районның агросәнәгать комплексы хезмәткәрләре һәм хуҗалыкларның баш белгечләре дә катнаша.