Нурлатлылар табигатьне саклыйлар

"ЭКОлидер" конкурсының "Авыл җирлекләре арасында табигатьне саклау өлкәсендә ирешкән уңышлары өчен" номинациясендә Тимерлек авыл җирлеге (җирлек башлыгы-Владимир Гаврилов) икенче урынга лаек булды. Ә "Гомумбелем бирү учреждениеләрендә экологик белем" номинациясендә шәһәрнең өченче мәктәбе (директоры-Анатолий Евлентьев) җиңеп чыкты.
"Табигать һәм кеше" җурналистлар конкурсы исә Нурлат районының ике массакүләм мәгълүмат чарасына-телевидение һәм газетага да җиңү китерде. "Нурлат" ТРКсы чарадан беренче, ә газета икенче урын белән кайтты.