Нурлатлыларны ТХК системасы борчый

Нурлат муниципаль районының әйдәп баручы белгече Алия Кәримова хәбәр итүенчә, "Халык контроле" системасына нурлатлылардан барлыгы 98 мөрәҗәгать кергән. Аларны яклап 1116 кеше тавыш биргән.
- Безнең районда "Юл хәрәтен оештыру", "Территорияләрне төзекләндерү" кебек категориягә кергән мөрәҗәгатьләр өстенлек итә, - ди белгеч. - Беренчесе буенча 39 мөрәҗәгать булса, төзекләндерү темасына 42 сорау юлланган. Араларында "Капиталь ремонт", " Балалар бакчалары", "Җәмәгать транспорты", "Мәктәпләр", "Чүплекләр" һәм "Юл йөрүдә каршылык тудыручы автомобильләр" дигән мөрәҗәгатьләр дә булды. Операторлардан килгән хәбәрләрне шәһәр башкарма комитеты җитәкчесе Нәгыйм Сафиуллинга һәм район башкарма комитетының төзелеш бүлеге начальнигы Рөстәм Карамага юллыйм. Әлеге мөрәҗәгатьләр 10 көн эчендә хәл ителергә тиеш. Бүгенге көндә бер мөрәҗәгать хәл итү стадиясендә. Бу - Халиков урамында яктырту турында мөрәҗәгать. Системага кергән 29 мөрәҗәгать буенча безнең районда эшләр планлаштырылган инде.
Мәгълүматлардан күренгәнчә, "Халык контроле" гражданнар арасында популярлык казанган. Бу елда системада өстәмә категорияләр дә барлыкка килергә мөмкин икән.